Qazaqstan Respýblıkasy Qarjy mınıstrliginiń buıryǵy №227 

2015 jylǵy 30 naýryz, Astana qalasy Múlikti tárkileý bóliginde qylmystyq is boıynsha sot úkimi negizinde ne múlikti memleketke berý týraly sheshim negizinde tyıym salynǵan múlikti ótkizý nemese paıdalaný qaǵıdasyn bekitý týraly «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń 2010 jylǵy 2 sáýirdegi Zańynyń 75-babyna sáıkes buıyramyn: 1. Qosa berilip otyrǵan Múlikti tárkileý bóliginde qylmystyq is boıynsha sot úkimi negizinde ne múlikti memleketke berý týraly sheshim negizinde tyıym salynǵan múlikti ótkizý nemese paıdalaný qaǵıdasy bekitilsin. 2. Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti (E.K. О́tepov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń memlekettik tirkeýden keıingi on kúntizbelik kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Qarjy mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qarjy mınıstri B.SULTANOV. «KELISILDI» Qazaqstan Respýblıkasy Ulttyq ekonomıka mınıstri ___________E.DOSAEV. 3 sáýir 2015 jyl Qazaqstan Respýblıkasy Qarjy mınıstriniń 2015 jylǵy 30 naýryzdaǵy № 227 buıryǵymen bekitildi Múlikti tárkileý bóliginde qylmystyq is boıynsha sot úkimi negizinde ne múlikti memleketke berý týraly sheshim negizinde tyıym salynǵan múlikti ótkizý nemese paıdalaný qaǵıdasy 1. Jalpy erejeler 1. Osy Múlikti tárkileý bóliginde qylmystyq is boıynsha sot úkimi negizinde ne múlikti memleketke berý týraly sheshim negizinde tyıym salynǵan múlikti ótkizý nemese paıdalaný qaǵıdasy (budan ári – Qaǵıda) «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń 2010 jylǵy 2 sáýirdegi Zańynyń 75-babyna sáıkes ázirlendi. 2. Osy Qaǵıdada mynadaı negizgi uǵymdar paıdalanylady: 1) aǵymdaǵy baǵa – satý barysynda qalyptasatyn múliktiń baǵasy; 2) alǵashqy baǵa – komıssııa belgileıtin baǵa; 3) aýksıon – tizilimniń veb-portalyn paıdalana otyryp, elektrondyq formatta ótkiziletin qatysýshylar ózderiniń usynystaryn jarııa túrde málimdeıtin saýda-sattyq nysany; 4) aýksıon zaly – aýksıondy ótkizý úshin qajetti aqparatty engizý, saqtaý jáne óńdeý múmkindigin qamtamasyz etetin tizilim veb-portalynyń bólimi; 5) aýksıon nómiri – qatysýshyǵa elektrondyq sıfrlyq qoltańbasy bolǵan kezde aýksıonǵa qatysý úshin beriletin nómir; 6) áleýmettik qyzmetterdiń sýbektileri – memlekettik zańdy tulǵa nysanynda tirkelgen balalar úıi, qarttar jáne múgedekter úıi, balabaqshalar, mektepter, medısınalyq-áleýmettik mekemeler, arnaıy áleýmettik qyzmetter kórsetetin sýbektiler; 7) bastapqy baǵa – múlik boıynsha saýda-sattyq bastalatyn baǵa; 8) eń tómengi baǵa – múlikti odan tómenge satýǵa bolmaıtyn baǵa; 9) jeńimpaz – múlik úshin neǵurlym joǵary baǵa usynǵan jáne aýksıon qorytyndylary týraly elektrondyq hattamaǵa qol qoıǵan aýksıonǵa qatysýshy; 10) jergilikti atqarýshy organdar – aýdandar, oblystyq mańyzy bar qalalardyń jergilikti atqarýshy organdary; 11) kepildik jarnasy – saýda-sattyqqa qatysý úshin múliktiń alǵashqy baǵasynyń 15 %-y mólsherinde jeke nemese memlekettik emes zańdy tulǵa engizetin aqshalaı soma, biraq 30000 eselengen aılyq eseptik kórsetkish mólsherinen aspaıtyn; 12) komıssııa – Qazaqstan Respýblıkasy Úkimetiniń 2002 jylǵy 26 shildedegi №833 qaýlysymen bekitilgen Jekelegen negizder boıynsha memleket menshigine aınaldyrylǵan (aınaldyrylýy tıis) múlikti esepke alýdyń, saqtaýdyń, baǵalaýdyń jáne odan ári paıdalaný erejesine sáıkes qurylǵan komıssııa; 13) qatysýshy – aýksıonǵa qatysý úshin belgilengen tártippen tirkelgen jeke nemese memlekettik emes zańdy tulǵa; 14) múlik – jekelegen negizder boıynsha memleket menshigine aınaldyrylǵan (aınaldyrylýy tıis) múlik; 15) tizilimniń veb-portaly – www.gosreestr.kz mekenjaıy boıynsha Internet jelisinde ornalastyrylǵan, múlikti esepke alý jáne satý jónindegi elektrondyq derekqorǵa biryńǵaı qol jetkizý núktesin usynatyn ınternet-resýrs (budan ári – tizilim); 16) satyp alýshy – ótkizý prosesinde múlikti satyp alatyn jeke nemese zańdy tulǵalar; 17) satýshy – ýákiletti organ ne bolmasa jergilikti atqarýshy organdar; 18) satý baǵasy – múlikti ótkizýdiń túpkilikti baǵasy; 19) saýda-sattyq – aýksıon jáne qor naryǵyndaǵy saýda-sattyq nysanynda múlikti satý tásili; 20) saýda-sattyqtyń aǵylshyndyq ádisi – saýda-sattyqtyń bastapqy baǵasy aldyn-ala jarııalanǵan qadammen arttyrylatyn ádisi; 21) saýda-sattyqtyń gollandtyq ádisi – saýda-sattyqtyń bastapqy baǵasy aldyn-ala jarııalanǵan qadammen tómendetiletin ádisi; 22) ýákiletti organ – Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti jáne onyń aýmaqtyq bólimsheleri; 23) uıymdastyrýshy – satý obektilerin daıyndaýdy jáne satýdy uıymdastyratyn satýshy ne komıssııa bastamasynda saýda uıymdary arqyly múlikti ótkizý jaǵdaılaryn qospaǵanda memlekettik satyp alý týraly zańnamada aıqyndalǵan tártippen tartylatyn zańdy nemese jeke tulǵa; 24) elektrondyq qujat – aqparat elektrondyq-sıfrlyq nysanda berilgen jáne elektrondyq sıfrlyq qoltańba arqyly kýálandyrylǵan qujat; 25) elektrondyq sıfrlyq qoltańba (budan ári – ESQ) – elektrondyq sıfrlyq qoltańba quraldarymen jasalǵan jáne elektrondyq qujattyń durystyǵyn, onyń tıesiligin jáne mazmunynyń ózgermeıtindigin rastaıtyn elektrondyq sıfrlyq nyshandar terimi. 3. Múlikti odan ári paıdalaný, onyń ishinde ótkizý nemese berý úshin baǵalaý Qazaqstan Respýblıkasy Úkimetiniń 2002 jylǵy 26 shildedegi №833 qaýlysymen bekitilgen Jekelegen negizder boıynsha memleket menshigine aınaldyrylǵan (aınaldyrylýy tıis) múlikti esepke alý, saqtaý, baǵalaý jáne odan ári paıdalaný erejesinde aıqyndalǵan tártipte júrgiziledi. 2. Múlikti odan ári paıdalaný 4. Múlikti odan ári paıdalaný týraly sheshimdi (respýblıkalyq nemese kommýnaldyq múliktiń quramyna berý, onyń ishinde áleýmettik qyzmetterdiń sýbektilerine óteýsiz berýdi) komıssııa qabyldaıdy. 5. Múlikti respýblıkalyq nemese kommýnaldyq múliktiń quramyna berý ekonomıkalyq oryndylyǵy jáne memlekettik menshikke qabyldaǵannan keıin nysanaly paıdalaný múmkindigi jaǵdaıynda júzege asyrylady. Múlikti respýblıkalyq nemese kommýnaldyq múliktiń quramyna berý kezinde ekonomıkalyq oryndylyǵynyń jáne ony nysanaly paıdalaný múmkindiginiń negizgi ólshemderi: 1) Qazaqstan Respýblıkasynyń zańnamasynda kózdelgen múliktiń tıesiliginiń belgilengen normatıvteri men lımıtteri (avtokólik quraldary men jyljymaıtyn múlik úshin) sheginde memlekettik organdardaǵy beriletin múlikke qajettilikti aıqyndaý; 2) múlikti nysanaly paıdalaný múmkindigin aıqyndaý jáne memlekettik organdarda óndiristik qajettiliktiń bolýy; 3) beriletin múliktiń qarjylyq qamtamasyz etilýi, sondaı-aq qabyldanatyn múlikti ustaý jáne paıdalaný boıynsha qarjylyq shyǵyndar bolyp tabylady. 6. Múlikti respýblıkalyq nemese kommýnaldyq múliktiń quramyna berý mynadaı tártippen júzege asyrylady: 1) ýákiletti organ nemese jergilikti atqarýshy organ múlikti qabyldaǵan kúnnen bastap on bes kúntizbelik kún ishinde ortalyq atqarýshy organdardy nemese jergilikti bıýdjetten qarjylandyrylatyn, jergilikti memlekettik basqarýdyń jekelegen fýnksııalaryn júzege asyrýǵa ýákiletti jergilikti atqarýshy organdardy (budan ári – memlekettik organdar) múlikti respýblıkalyq nemese kommýnaldyq múliktiń quramyna berýdiń qajettiligi týraly qorytyndyny usyný úshin habardar etedi; 2) memlekettik organdar tıisti usynysty alǵan kúnnen bastap kúntizbelik on bes kún ishinde múlikti respýblıkalyq nemese kommýnaldyq múliktiń quramyna berý qajettiligi (qajettiliginiń joq ekeni) týraly qorytyndyny ýákiletti organǵa nemese jergilikti atqarýshy organǵa jiberedi; 3) memlekettik organnyń qorytyndysynda kórsetilgen múlikti bekitý boljamdalǵan memlekettik mekeme nemese memlekettik kásiporyn (budan ári – memlekettik zańdy tulǵa) kórsetilýi tıis; 4) komıssııa múlikti respýblıkalyq nemese kommýnaldyq múlik quramyna qabyldaý qajettiligi týraly qorytyndyny osy Qaǵıdanyń 5-tarmaǵynda belgilengen ólshemderge sáıkestigine qarastyrady; 5) komıssııanyń oń sheshimi bolǵan jaǵdaıda ýákiletti organ nemese jergilikti atqarýshy organ múlikti respýblıkalyq nemese kommýnaldyq múlik quramyna berý týraly sheshimdi qabyldaıdy; 6) memlekettik organdar tıisti qorytyndy usynbaǵan nemese múlikti respýblıkalyq nemese kommýnaldyq menshik quramyna qabyldaý qajettiliginiń joq ekeni týraly qorytyndy bergen jaǵdaıda, múlik osy Qaǵıdanyń 8-tarmaǵymen kózdelgen tártippen paıdalanylady. 7. Múlikti óteýsiz berý, onyń ishinde saýda uıymdary arqyly nemese aýksıonda ótkizilmegen, odan ári paıdalanýǵa jaramdy múlikti óteýsiz berý mynadaı tártipte júzege asyrylady: 1) múlik týraly aqparatty komıssııa sheshimdi qabyldaǵan kúnnen bastap kúntizbelik on bes kún ishinde ýákiletti organ ne jergilikti atqarýshy organ tizilimniń veb-portalynda jarııalaıdy; 2) múlikti óteýsiz alýǵa ótinimdi tizilimniń veb-portalynda habarlama jarııalanǵan kúnnen bastap kúntizbelik on bes kún ishinde áleýmettik qyzmetterdiń sýbektileri beredi. Múlikti óteýsiz alý ótinimine zańdy tulǵany memlekettik tirkeý (qaıta tirkeý) týraly kýálik ne bolmasa anyqtama jáne jarǵynyń (erejeniń) skanerlengen kóshirmesi qosa beriledi; 3) múlikti óteýsiz alýǵa ótinimdi ashý habarlamada kórsetilgen ótinimderdiń aıaqtalý kúni men ýaqyty bolǵan kezde avtomatty túrde tizilimniń veb-portaly arqyly júrgiziledi; 4) múlikti óteýsiz alýǵa ótinimdi ýákiletti organ ne jergilikti atqarýshy organ qaraıdy, olar ótinimderdi ashý kúninen bastap úsh jumys kúni ishinde tizilimniń veb-portalynda ótinimderi qanaǵattandyrylǵan áleýmettik qyzmetterdiń sýbektileri týraly aqparatty jarııalaıdy. Múlikti alýǵa nıetti birneshe ótinim berýshiler bolǵan jaǵdaıda óz ótinimin buryn bergen tulǵa artyqshylyqty paıdalanady; 5) múlik ýákiletti organ nemese jergilikti atqarýshy organnyń sheshimi negizinde qabyldap alý-berý aktisi boıynsha áleýmettik mekemelerge beriledi jáne onda kórsetilgen taraptar sanyna qaraı jasalady. 3. Komıssııa shartynyń negizinde saýda uıymdary arqyly jáne saýda-sattyqta múlikti ótkizý 8. Múlikti satý mynadaı tártipte júzege asyrylady: 1) komıssııa shartynyń negizinde saýda uıymdary arqyly: jaramdylyq (saqtaý) merzimi shektelgen azyq-túlik taýarlary; buryn paıdalanýda bolǵan ónerkásip taýarlary (kólik quraldarynan, antıkvarlyq buıymdar men taýarlardan basqa) ótkiziledi; aýksıonda ótkizilmegen ónerkásiptik taýarlar; 2) qor bırjasyndaǵy saýda-sattyqta baǵaly qaǵazdar ótkiziledi; 3) osy tarmaqtyń 1) tarmaqshasynda kórsetilmegen ózge de múlik aýksıondarda ótkiziledi. 9. Komıssııa shartynyń negizinde saýda uıymdary arqyly múlikti satý mynadaı tártipti saqtaı otyryp júzege asyrylady: 1) múlik týraly aqparat komıssııa sheshimdi qabyldaǵan kúnnen bastap úsh jumys kúni ishinde, al jaramdylyq (saqtaý) merzimi shektelgen azyq-túlik taýarlar úshin bir jumys kúni ishinde tizilimniń veb-portalynda quny men negizgi sıpattamalary kórsetile otyryp jarııalanady; 2) saýda uıymdarynyń sýbektilerinen múlikti ótkizýge ótinim tizilimniń veb-portalynda habarlama jarııalanǵan kúnnen bastap kúntizbelik bes kún ishinde qabyldanady. Múlikti ótkizýge ótinimge múliktiń ornalasqan óńirinde mamandandyrylǵan dúkenniń (saýda alańynyń) bolýyn rastaıtyn qujattardyń skanerlengen kóshirmesi qosa tirkeledi; 3) múlikti ótkizýge ótinim habarlamada kórsetilgen ótinimdi qabyldaý kúni men ýaqyty aıaqtalǵannan keıin avtomatty túrde tizilimniń veb-portaly arqyly júrgiziledi; 4) múlikti ótkizýge ótinimdi ashý ýákiletti organ ne jergilikti atqarýshy organ qaraıdy, olar ótinimderdi ashý kúninen bastap úsh jumys kúni ishinde tizilimniń veb-portalynda ótinimderi qanaǵattandyrylǵan áleýmettik qyzmetterdiń sýbektileri týraly aqparatty jarııalaıdy. Múlikti ótkizýge nıetti birneshe ótinim berýshiler bolǵan jaǵdaıda óz ótinimin buryn bergen tulǵa artyqshylyqty paıdalanady; 5) komıssııalyq bastamada múlikti ótkizý mamandandyrylǵan dúkende (saýda alańynda) ashyq satýǵa múlikti qoıý jáne ony belgisiz tulǵalar tobyna satyp alý múmkindigin qamtamasyz etý arqyly baǵalaýshy usynǵan baǵalaý quny boıynsha júzege asyrylady; 6) saýda uıymdary arqyly ótkizý úshin múlikti berýdi satýshy qabyldap alý-berý aktisi negizinde júzege asyrady. Qabyldap alý-berý aktisine beriletin múliktiń quny kórsetile otyryp onyń tizimdemesi qosa beriledi; 7) múlikti qabyldap alý-berý sátinen bastap kúntizbelik bes kúnnen keshiktirmesten komıssııalyq saýda-sattyqty júzege asyratyn uıym múlikti qabyldap alý-berý aktisinde kórsetilgen qun boıynsha mamandandyrylǵan dúkenge (saýda alańyna) satýǵa qoıady; 8) eger múlik satýǵa qoıylǵan kúnnen bastap bir aı merzimde satylmaǵan bolsa, onda satýshy onyń qunyn komıssııa sheshimi negizinde tómendetedi (arzandatady); 9) eger múlik alǵashqy arzandatý sátinen bastap eki aı ishinde satylmasa, satýshy onyń qunyn komıssııa sheshimi negizinde aıqyndalǵan eń tómengi baǵaǵa deıin tómendetedi. Múlik qunyn baǵalaý qunynan elý paıyzdan tómen tómendetýge bolmaıdy; 10) osy tarmaqtyń 8) jáne 9) tarmaqshalarymen belgilengen merzimderden buryn múlik qunyn tómendetýge bolmaıdy. 10. Komıssııa sharty negizinde múlikti satýmen baılanysty týyndaıtyn satýshy jáne komıssııalyq saýda-sattyqty júzege asyratyn uıymdar arasyndaǵy qarym-qatynastar Qazaqstan Respýblıkasynyń azamattyq zańnamasyna jáne osy erejelerge sáıkes retteledi. 11. Saýda-sattyqta múlikti ótkizý mynadaı tártippen júzege asyrylady: 1) qajetti materıaldardy jınaý júrgiziledi; 2) baǵalaýshy usynǵan múliktiń qunyn baǵalaý týraly esepti eskere otyryp, múliktiń alǵashqy, bastapqy jáne eń tómengi baǵalary aıqyndalady; 3) saýda-sattyq ádisteri aıqyndalady; 4) saýda-sattyqty ótkizý merzimi belgilenedi; 5) saýda-sattyqty ótkizý týraly habarlama jarııalanady; 6) kepildik jarnalar qabyldanady; 7) qatysýshylardy tirkeý júrgiziledi; 8) satyp alý-satý shartynyń jobasyn daıyndaý júzege asyrylady. 12. Satýshynyń fýnksııalary: 1) táýelsiz baǵalaýshylardy tarta otyryp Qazaqstan Respýblıkasynyń baǵalaý qyzmeti týraly zańnamasyna sáıkes múliktiń qunyna baǵalaý júrgizýdi qamtamasyz etý; 2) saýda-sattyqqa múlikti daıyndaýdy júzege asyrý; 3) saýda-sattyq ótkizý merzimin belgileý; 4) aýksıondy ótkizýdi qamtamasyz etý; 5) komıssııanyń sheshimi negizinde múliktiń alǵashqy, bastapqy jáne eń tómengi baǵalaryn, kepildik jarna somasyn aıqyndaý; 6) eń tómengi satylý baǵasyn ózgertý, sondaı-aq komıssııa sheshimi negizinde eń tómengi baǵasy boıynsha shekteýlerdi joıý; 7) Qazaqstan Respýblıkasynyń nemese shet memleketterdiń aýmaǵynda jumys isteıtin qor bırjalarynda (budan ári – qor bırjasy) memleketke menshigine aınaldyrylǵan baǵaly qaǵazdardy satýdy qamtamasyz etý; 8) qor bırjalarynda memleketke menshigine aınaldyrylǵan baǵaly qaǵazdardy satý kezinde brokerlik kompanııanyń usynymdary boıynsha saýda-sattyq júrgizý ádisin anyqtaý; 9) bırjalyq saýda-sattyqqa aksııalardy qoıý merzimi men uzaqtyǵyn, satýdyń shekti merzimderi men bırjalyq saýda-sattyqtan alý kúnin anyqtaý; 10) múlikti saýda-sattyqtan alý týraly sheshimdi qabyldaý; 11) saýda-sattyqty uıymdastyrý jáne júrgizilý barysyna baqylaýdy júzege asyrý; 12) aýksıon jeńimpazdarymen satyp alý-satý sharttaryn jasasý; 13) satyp alýshylar, uıymdastyrýshylarmen eseptesýlerdi júzege asyrý; 14) múlikti ótkizý úshin qajet basqa da is-sharalardy júrgizý bolyp tabylady. 13. Saýda-sattyq ótkiziletindigi týraly habarlama olar ótkizilgenge deıin keminde kúntizbelik on bes kún buryn qazaq jáne orys tilderinde tizilimniń veb-portalynda jarııalanady. Jaýapkershiligi shekteýli seriktestikterdiń jarǵylyq kapıtalyndaǵy qatysý úlesterin satý kezinde saýda-sattyq ótkiziletindigi týraly habarlama saýda-sattyq ótkiziletin kúnge deıin keminde kúntizbelik otyz kún buryn qazaq jáne orys tilderinde merzimdi baspa basylymdarynda jáne tizilimniń veb-portalynda jarııalanady. Aýksıon ótkizý týraly habarlama mynadaı málimetterdi: 1) aýksıonnyń ótkiziletin kúnin, ornyn jáne ýaqytyn; 2) saýda-sattyqtyń ádisin; 3) múlik týraly málimetterdi; 4) bastapqy, al saýda-sattyqtyń gollandtyq ádisin qoldana otyryp aýksıon ótkizilgen kezde satýǵa qoıylatyn múliktiń eń tómengi baǵasyn; 5) kepildik jarnanyń mólsheri men biryńǵaı operatordyń banktik derektemelerin; 6) ótinimderdi qabyldaý merzimin; 7) aýksıondy ótkizý, onyń ishinde aýksıonǵa qatysýdy resimdeý, saýda-sattyq jeńimpazyn anyqtaý sharttary týraly tártipti; 8) saýda-sattyqtardy uıymdastyrýshynyń telefony men ornalasqan jerin; 9) satýshynyń sheshimi boıynsha qosymsha aqparatty qamtýy tıis. 14. Qor bırjasynda memleketke menshigine aınaldyrylǵan baǵaly qaǵazdardy satý týraly habarlama saýda-sattyqty ótkizý merzimi bastalǵanǵa deıin keminde kúntizbelik on bes kún buryn qazaq jáne orys tilderinde merzimdi baspa basylymdarynda jarııalanady. Qor bırjalarynda saýda-sattyqty ótkizý týraly habarlama mynadaı málimetterdi: 1) saýda-sattyqtyń bastalatyn kúni men ýaqytyn; 2) saýda-sattyqtyń ótkiziletin ornyn; 3) baǵaly qaǵazdar emıtentiniń ataýyn; 4) emıtent týraly málimetterdi; 5) satylatyn baǵaly qaǵazdardyń sanyn; 6) saýda-sattyqty uıymdastyrýshynyń telefony men ornalasqan jerin; 7) satýshynyń sheshimi boıynsha qosymsha aqparatty qamtýy tıis. 15. Múlikti satý týraly habarlamany jarııalaý kezinde satýshy tizilimge mynadaı qujattardyń: 1) múliktiń qunyn baǵalaý týraly eseptiń; 2) múliktiń fotosýretiniń (tek jyljymaıtyn múlik, kólik, jabdyq jáne basqa da materıaldyq múlik úshin) elektrondyq kóshirmeleriniń engizilýin qamtamasyz etedi. Habarlama jarııalanǵannan keıin satýshy tizilimniń veb-portaly arqyly satyp alýǵa nıet bildirýshilerdiń barlyǵynyń múlik týraly aqparatqa erkin qol jetkizýin qamtamasyz etedi. 16. Aýksıonǵa qatysý úshin qatysýshylar kepildik jarnany memlekettik múlikti esepke alý salasyndaǵy biryńǵaı operatordyń (budan ári – biryńǵaı operator) derektemelerine habarlamada belgilengen nysanda jáne tártippen jáne Qazaqstan Respýblıkasynyń zańnamasyna sáıkes engizedi. Kepildik jarnany qatysýshy ne qatysýshynyń atynan kez kelgen jeke nemese zańdy tulǵa engizedi. 17. Saýda-sattyqta jeńgen jáne satyp alý-satý shartyn jasasqan qatysýshynyń kepildik jarnasy satyp alý-satý sharty boıynsha tıesili tólemder esebine jatqyzylady. 18. Satýshy mynadaı jaǵdaılarda: 1) jeńimpazǵa – ol saýda-sattyqtardyń nátıjeleri týraly hattamaǵa qol qoıýdan ne satyp alý-satý shartyn jasasýdan bas tartqan jaǵdaıda; 2) satyp alýshyǵa – ol satyp alý-satý sharty boıynsha mindettemelerin oryndamaǵan nemese tıisinshe oryndamaǵan jaǵdaıda kepildik jarnany qaıtarmaıdy. Qalǵan barlyq jaǵdaılarda kepildik jarnalar qatysýshy biryńǵaı operatorǵa ótinish bergen kúnnen bastap on jumys kúninen keshiktirilmeıtin merzimde qaıtarylady. Aýksıonǵa qatysý úshin belgilengen tártipte tirkelmegen jeke nemese memlekettik emes zańdy tulǵalardyń kepildik jarnalary jeke nemese memlekettik emes zańdy tulǵa biryńǵaı operatorǵa ótinish bergen kúnnen bastap on jumys kúninen keshiktirilmeıtin merzimde qaıtarylady. Kepildik jarnalar saýda-sattyqqa qatysýshymen, jeke nemese memlekettik emes zańdy tulǵamen kepildik jarnany qaıtarý ótinishinde kórsetiletin derektemelerge qaıtarylady. 19. Aýksıonǵa qatysýshylardy tirkeý habarlama jarııalanǵan kúnnen bastap júrgiziledi jáne aýksıon bastalǵanǵa deıin eki saǵat buryn aıaqtalady. 20. Aýksıonǵa qatysý úshin mynalardy kórsete otyryp, tizilimniń veb-portalynda aldyn ala tirkelý qajet: 1) jeke tulǵalar úshin: jeke sáıkestendirý nómiri (budan ári – JSN), tegi, aty, ákesiniń atyn (bar bolsa); 2) zańdy tulǵalar úshin: bıznes sáıkestendirý nómiri (budan ári – BSN), tolyq ataýy, birinshi basshynyń tegi, aty, ákesiniń aty (bar bolsa); 3) kepildik jarnany qaıtarý úshin ekinshi deńgeıdegi banktegi esep aıyrysý shotynyń derektemeleri; 4) baılanys derekteri (pochtalyq mekenjaıy, telefony, faks, e-mail). Joǵaryda kórsetilgen derekter ózgergen kezde qatysýshy bir jumys kúni ishinde tizilimniń veb-portalyna engizilgen derekterdi ózgertedi. 21. Aýksıonǵa qatysýshy retinde tirkelý úshin qatysýshynyń ESQ-men qol qoıylǵan osy Qaǵıdaǵa qosymshaǵa sáıkes nysan boıynsha saýda-sattyqqa qatysýǵa ótinimdi tizilimniń veb-portalynda tirkeý qajet. 22. Aýksıonnyń jeńimpazy satyp alý-satý shartyna qol qoıǵan kezde satýshyǵa salystyryp tekserý úshin mynadaı qujattardyń: 1) jeke tulǵalar úshin: jeke tulǵanyń jeke basyn kýálandyratyn qujattyń; 2) zańdy tulǵalar úshin: zańdy tulǵany memlekettik tirkeý (qaıta tirkeý) týraly kýáliktiń ne anyqtamanyń; zańdy tulǵa ókiliniń ókilettikterin kýálandyratyn qujattyń, sondaı-aq zańdy tulǵanyń ókiliniń jeke basyn kýálandyratyn qujattyń túpnusqalaryn mindetti túrde kórsete otyryp, olardyń kóshirmelerin ne notarıatta kýálandyrylǵan kóshirmelerin usynady. 23. Satýshyǵa jáne biryńǵaı operatorǵa Qazaqstan Respýblıkasynyń zańnamalyq aktilerinde kózdelgen jaǵdaılardy qospaǵanda, aýksıondy daıyndaý jáne ony ótkizýdiń búkil kezeńiniń ishinde aýksıonǵa qatysýshylarǵa qatysy bar aqparatty jarııalaýǵa jol berilmeıdi. 24. Aýksıonǵa qatysýǵa ótinim tirkelgennen keıin tizilimniń veb-portaly úsh mınýt ishinde ótinim berilgen múlik boıynsha kepildi jarnanyń túsýi týraly málimetterdiń tizilimniń derekqorynda bolýy turǵysynan avtomatty túrde tekserý júrgizedi. Qatysýshynyń osy Qaǵıdanyń 20 jáne 21-tarmaqtarynda kórsetilgen talaptardy saqtamaýy, sondaı-aq biryńǵaı operatordyń arnaıy tranzıttik shotyna aýksıondy ótkizý týraly habarlamada kórsetilgen kepildi jarnanyń aýksıon bastalǵanǵa deıin eki saǵat buryn túspeýi tizilim veb-portalynyń ótinimdi qabyldaýdan bas tartý úshin negiz bolyp tabylady. Tizilimniń derekqorynda biryńǵaı operatordyń arnaıy tranzıttik shotyna kepildi jarnanyń túskeni týraly málimetter bolǵan jaǵdaıda, tizilimniń veb-portaly ótinimdi qabyldaý jáne qatysýshyny aýksıonǵa jáne kommersııalyq tenderge jiberýdi júzege asyrady. Tizilimniń derekqorynda biryńǵaı operatordyń arnaıy tranzıttik shotyna kepildi jarnanyń túskeni týraly málimet bolmaǵan jaǵdaıda, tizilim veb-portaly qatysýshynyń ótinimin keri qaıtarady. Tizilimniń veb-portaly avtomatty tekserý nátıjeleri boıynsha tizilimniń veb-portalynda kórsetilgen qatysýshynyń elektrondyq mekenjaıyna ótinimdi qabyldaý ne ótinimdi qabyldaýdan bas tartý sebepteri týraly elektrondyq habarlama jiberedi. Aýksıonǵa jiberilgen qatysýshyǵa tizilimniń veb-portaly beretin aýksıon nómiri boıynsha aýksıon zalyna kirýge ruqsat beriledi. 25. Satýshy aýksıonǵa qatysýdan elektrondyq qujat nysanynda bas tartqan qatysýshynyń aýksıon nómirin joıady. 26. Aýksıondy ótkizý kezinde alǵashqy, bastapqy jáne eń tómengi baǵany satýshy belgileıdi. Saýda-sattyqtyń aǵylshyndyq ádisin qoldana otyryp, aýksıondy ótkizý kezinde bastapqy baǵa alǵashqy baǵaǵa teń bolady. Saýda-sattyqtyń gollandtyq ádisin qoldana otyryp, aýksıondy ótkizý kezinde bastapqy baǵa alǵashqy baǵany ósý koeffısıentine kóbeıtý arqyly aıqyndalady. Bul koeffısıentti satýshy belgileıdi, biraq 5-ten kem bolýy múmkin emes. 27. Múlik birinshi ret aýksıonǵa saýda-sattyqtyń aǵylshyndyq ádisin qoldana otyryp shyǵarylady. Ekinshi jáne odan keıingi aýksıondarda saýda-sattyqtyń ádisin komıssııa belgileıdi. Saýda-sattyqtyń aǵylshyn ádisin qoldana otyryp, múlikti ekinshi jáne keıingi saýda-sattyqqa qoıý kezinde múliktiń bastapqy baǵasy saýda-sattyqtyń aǵylshyn ádisimen ótkizilgen aldyńǵy aýksıonnyń bastapqy baǵasynyń 50 paıyzynan asyrmaı tómendetý jolymen belgilenedi. Saýda-sattyqtyń gollandtyq ádisin qoldana otyryp satý obektisin saýda-sattyqqa qoıý kezinde bastapqy eń tómengi baǵa alǵashqy baǵanyń 50 paıyzynan asyrmaı tómendetý jolymen belgilenedi. Gollandtyq ádis boıynsha keıingi árbir aýksıon kezinde olar boıynsha Komıssııaǵa eń tómengi baǵa boıynsha shekteýlerdi joıý týraly sheshim qabyldaýǵa jol beriletin gollandtyq ádisti qoldana otyryp ótkizilgen úshinshi jáne keıingi aýksıondardy qospaǵanda, eń tómengi baǵa aldyńǵy aýksıonnyń eń tómengi baǵasynyń 50 paıyzynan asyrmaı tómendetý jolymen belgilenedi. 28. Aýksıonǵa qatysýshylar aýksıon bastalǵanǵa deıin bir saǵat ishinde ESQ men aýksıon nómirin paıdalana otyryp, aýksıon zalyna kiredi. Aýksıon múliktiń bastapqy qunyn aýksıon zalynda avtomatty túrde ornalastyrý jolymen saýda-sattyqty ótkizý týraly habarlamada kórsetilgen Astana qalasynyń ýaqyty boıynsha bastalady. Aýksıon zalynda aýksıon Qazaqstan Respýblıkasynyń zańnamasynda kózdelgen mereke jáne demalys kúnderin qospaǵanda, seısenbi - juma aralyǵynda ótedi. Aýksıon Astana qalasynyń ýaqyty boıynsha saǵat 10:00-den bastap saǵat 17:00-ge deıingi kezeńde ótkiziledi, bul rette aýksıon Astana qalasynyń ýaqyty boıynsha saǵat 15:00-den keshiktirilmeı bastalady. Eger saýda-sattyqtyń aǵylshyn ádisin qoldana otyryp ótkizilgen aýksıon aıaqtalatyn sátte saǵat 17:00-de aýksıon jeńimpazy aıqyndalmasa, onda múlikti satyp alýǵa óziniń nıetin rastaǵan sońǵy qatysýshy jeńimpaz dep tanylady jáne osy múlik boıynsha aýksıon ótkizilgen bolyp tanylady. Eger saýda-sattyqtyń gollandtyq tásilin qoldana otyryp júrgizilgen aýksıon aıaqtalatyn sátte saǵat 17:00-de aýksıon jeńimpazy aıqyndalmasa, onda osy múlik boıynsha aýksıon ótpedi dep tanylady. 29. Eger aýksıon bastalǵan sátte múlik boıynsha aýksıon zalynda eki qatysýshydan az tirkelse jáne bolsa (jalǵyz qatysýshyǵa múlikti satýǵa jol beriletin aýksıon boıynsha úshinshi jáne kelesi saýda-sattyqtardy qospaǵanda), osy múlik boıynsha aýksıon ótkizilmegen bolyp tanylady. 30. Baǵany ózgertý qadamy bylaısha belgilenedi: 1) obektiniń bastapqy nemese aǵymdaǵy baǵasy aılyq eseptik kórsetkish mólsheriniń 20000 eselengenge deıingi mólsherinde bolǵan kezinde ózgertý qadamy 10 paıyz mólsherinde belgilenedi; 2) obektiniń bastapqy nemese aǵymdaǵy baǵasy aılyq eseptik kórsetkish mólsheriniń 20000 eselengennen bastap 50000 eselengenge deıingi mólsherinde bolǵan kezinde ózgertý qadamy 7,5 paıyz mólsherinde belgilenedi; 3) obektiniń bastapqy nemese aǵymdaǵy baǵasy aılyq eseptik kórsetkish mólsheriniń 50000 eselengennen bastap 100000 eselengenge deıingi mólsherinde bolǵan kezde ózgertý qadamy 5 paıyz mólsherinde belgilenedi; 4) obektiniń bastapqy nemese aǵymdaǵy baǵasy aılyq eseptik kórsetkish mólsheriniń 100000 eselengennen bastap 250000 eselengenge deıingi mólsherinde bolǵan kezde ózgertý qadamy saýda-sattyqtyń aǵylshyn ádisi boıynsha 2,5 paıyz mólsherinde jáne saýda-sattyqtyń gollandyq ádisi boıynsha 5 paıyz mólsherinde belgilenedi; 5) obektiniń bastapqy nemese aǵymdaǵy baǵasy aılyq eseptik kórsetkish mólsheriniń 250000 eselengennen bastap 500000 eselengenge deıingi mólsherinde bolǵan kezde ózgertý qadamy saýda-sattyqtyń aǵylshyn ádisi boıynsha 1 paıyz mólsherinde jáne saýda-sattyqtyń gollandyq ádisi boıynsha 5 paıyz mólsherinde belgilenedi; 6) obektiniń bastapqy nemese aǵymdaǵy baǵasy aılyq eseptik kórsetkish mólsheriniń 500000 eselengen mólsherinde jáne odan joǵary bolǵan kezde ózgertý qadamy saýda-sattyqtyń aǵylshyn ádisi boıynsha 0,5 paıyz mólsherinde jáne saýda-sattyqtyń gollandyq ádisi boıynsha 5 paıyz mólsherinde belgilenedi. Aýksıon tómende kórsetilgen eki ádistiń bireýi boıynsha júrgiziledi. 31. Saýda-sattyqtyń aǵylshyn ádisi boıynsha aýksıon: 1) eger aýksıon zalynda aýksıon bastalǵan sátten bastap jıyrma mınýt ishinde qatysýshylardyń birde-bireýi osy Qaǵıdanyń 30-tarmaǵyna sáıkes belgilengen qadamǵa satý obektisiniń bastapqy baǵasyn arttyrý jolymen satý obektisin satyp alý nıetin rastamaıtyn bolsa, onda osy satý obektisi boıynsha aýksıon ótkizilmegen bolyp tanylady; 2) eger aýksıon zalynda aýksıon bastalǵan sátten bastap jıyrma mınýt ishinde qatysýshylardyń bireýi osy Qaǵıdanyń 30-tarmaǵyna sáıkes belgilengen qadamǵa satý obektisiniń bastapqy baǵasyn arttyrý jolymen satý obektisin satyp alý nıetin rastaıtyn bolsa, onda bastapqy baǵa belgilengen qadamǵa artady; 3) eger aǵymdaǵy baǵa artqannan keıin jıyrma mınýt ishinde qatysýshylardyń birde-bireýi satý obektisiniń aǵymdaǵy qunyn arttyrý jolymen satý obektisin satyp alý nıetin rastamaıtyn bolsa, onda satý obektisin satyp alý nıetin sońǵy rastaǵan qatysýshy jeńimpaz bolyp tanylady, al osy satý obektisi boıynsha aýksıon ótkizilgen bolyp tanylady. Saýda-sattyqtyń aǵylshyn ádisi boıynsha aýksıon qatysýshylardyń bireýi usynǵan eń joǵary baǵaǵa deıin júrgiziledi. Múliktiń bastapqy baǵasy baǵany arttyrýdyń keminde eki qadamyna ósken jaǵdaıda ǵana satý obektisi boıynsha saýda-sattyqtyń aǵylshyn ádisi boıynsha aýksıon ótkizilgen bolyp tanylady, bul rette bastapqy baǵanyń eki qadamǵa ósýin keminde eki qatysýshy júzege asyrady. 32. Saýda-sattyqtyń gollandtyq ádisi boıynsha aýksıon: 1) eger aýksıon bastalǵan sátten bastap eki mınýt ishinde qatysýshylardyń birde-bireýi aýksıonda satý obektisin satyp alý nıetin rastamaıtyn bolsa, satý obektisiniń bastapqy baǵasy osy Qaǵıdanyń 30-tarmaǵyna sáıkes belgilengen qadamǵa azaıady; 2) eger baǵa azaıǵannan keıin eki mınýt ishinde qatysýshylardyń birde-bireýi satý obektisin satyp alý nıetin rastamaıtyn bolsa, satý obektisiniń sońǵy jarııalanǵan baǵasy belgilengen qadammen azaıady. Jarııalanǵan baǵa boıynsha satý obektisin satyp alý nıetin birinshi bolyp rastaǵan qatysýshy saýda-sattyqtyń gollandtyq ádisi boıynsha aýksıon jeńimpazy bolyp tanylady jáne osy satý obektisi boıynsha aýksıon ótkizilgen bolyp tanylady; 3) eger satý obektisiniń baǵasy belgilengen eń tómengi mólsherge jetse jáne qatysýshylardyń birde-bireýi satý obektisin satyp alý nıetin rastamasa, onda aýksıon ótkizilmegen bolyp tanylady. Osy Qaǵıdanyń 28-tarmaǵynyń tórtinshi bóliginde, 29-tarmaǵynda, 31-tarmaǵynyń 1) tarmaqshasynda jáne 32-tarmaǵynyń 3) tarmaqshasynda kórsetilgen jaǵdaılarda satýshy tizilimniń veb-portalynan basyp shyǵarylatyn aýksıonnyń ótkizilmegeni týraly aktige qol qoıady. 33. Árbir satylǵan múlik boıynsha aýksıon nátıjeleri aýksıon nátıjeleri týraly elektrondyq hattamamen resimdeledi, oǵan satýshy jáne jeńimpaz ESQ-ny paıdalana otyryp, aýksıon ótkizilgen kúni tizilimniń veb-portalynda qol qoıady. 34. Aýksıon nátıjeleri týraly hattama aýksıon nátıjelerin jáne jeńimpaz ben satýshynyń múlikti satý baǵasy boıynsha satyp alý-satý shartyna qol qoıý mindetterin belgileıtin qujat bolyp tabylady. Jeńimpazben satyp alý-satý shartyna aýksıon ótkizilgen kúnnen bastap kúntizbelik on kúnnen aspaıtyn merzimde qol qoıylady. 35. Eger jeńimpaz aýksıon nátıjeleri týraly elektrondyq hattamaǵa ne satyp alý-satý shartyna osy Qaǵıdanyń 33 jáne 34-tarmaqtarynda kórsetilgen merzimderde qol qoıýdan bas tartqan jaǵdaıda, satýshy tizilim veb-portalynan basyp shyǵarylatyn aýksıon nátıjeleriniń kúshin joıý týraly aktige qol qoıady jáne osy múlikti saýda-sattyqqa taǵy da shyǵarylady. 36. Biryńǵaı operator tizilim veb-portalynyń qyzmet etýin qamtamasyz etedi, sondaı-aq aýksıon qatysýshylarynyń kepildik jarnalaryn qabyldaıdy, satýshynyń shotyna aýksıonda jeńgen qatysýshynyń kepildik jarnasyn aýdarady jáne aýksıonnyń basqa qatysýshylaryna kepildik jarnalaryn qaıtarady. 37. Aýksıon barysynda aýksıonǵa qatysýǵa kedergi bolatyn tehnıkalyq aqaýlyqtar týyndaǵan kezde qatysýshy: 1) tizilim veb-portalymen ornyqty baılanys joǵalǵan kezden bastap 30 sekýnd ishinde aýksıonǵa qatysýshynyń monıtorynda biryńǵaı operatordyń baılanys derekteri bar elektrondyq habarlamany shyǵarý jolymen habardar etedi; 2) bul týraly biryńǵaı operatordyń baılanys derekteri boıynsha telefon nemese elektrondyq habarlama arqyly dereý habardar etedi. 38. Biryńǵaı operator tehnıkalyq aqaýlyqtardyń bolýy faktisin tirkeıdi jáne olar tizilim veb-portaly jaǵynda bolǵan kezde aqparatty tizilim veb-portalynda ornalastyrý jolymen aýksıonǵa qatysýshylardyń barlyǵyn habardar etedi. 39. Qatysýshynyń kompıýterlik jáne/nemese telekommýnıkasııa jabdyǵynyń tehnıkalyq aqaýlyqtar bolǵanda aýksıon jalǵasa beredi. 40. Aýksıondy júrgizýge nemese aýksıondy júrgizý rásimine kedergi bolatyn osy Qaǵıdanyń 38-tarmaǵynda kórsetilgen tizilim veb-portalynyń tehnıkalyq aqaýlyqtar faktisi bolǵan jaǵdaıda, biryńǵaı operator bul týraly satýshyǵa jazbasha túrde habarlaıdy, al satýshy osy aýksıonnyń jalǵastyrylatyn kúni men ýaqyty týraly aqparatty tizilim veb-portalynda ornalastyrý jáne tizilimniń veb-portalynda kórsetilgen qatysýshynyń elektrondyq mekenjaıyna elektrondyq habarlama jiberý arqyly aýksıonǵa qatysqan qatysýshylardy aldyn ala mindetti túrde habardar ete otyryp, aýksıondy biryńǵaı operator tehnıkalyq aqaýlyqty joıǵan kúnnen keıin kelesi úsh jumys kúniniń bireýine aýystyrady. 41. Satyp alý-satý sharty jazbasha túrde satýshy men satyp alýshynyń arasynda jasalady jáne kelisim-shart jasasýdyń negizi retinde aýksıon nátıjeleri týraly hattamaǵa jasalǵan siltemeni qamtýy tıis. Aýksıonda utqan tulǵa aýksıon nátıjeleri týraly hattamaǵa nemese satyp alý-satý shartyna qol qoıýdan jaltarǵan jaǵdaıda, Qazaqstan Respýblıkasynyń Azamattyq Kodeksiniń 9-babynyń 4-tarmaǵyna sáıkes ol engizgen kepildik jarnasyn joǵaltady jáne satýshyǵa kepildik jarnamen jabylmaǵan bóliginde onyń is júzinde shekken zalalynyń ornyn toltyrady. 42. Satyp alý-satý sharty boıynsha esep aıyrysýlar satýshy men satyp alýshy arasynda júrgiziledi, bul oraıda satyp alýshy esep aıyrysýlardy mynadaı tártippen júrgizedi: 1) avanstyq tólem múliktiń satý baǵasynyń keminde on bes paıyzy mólsherinde satyp alý-satý shartyna qol qoıylǵan kúnnen bastap on jumys kúninen keshiktirilmeı engiziledi. Kepildik jarna tıesili avanstyq tólem esebine esepteledi; 2) qalǵan soma taraptardyń ýaǵdalasýy boıynsha, biraq satyp alý-satý shartyna qol qoıylǵan kúnnen bastap kúntizbelik otyz kúnnen keshiktirmeı engiziledi. 43. Avanstyq nemese túpkilikti tólemniń merzimi ótken jaǵdaıda satýshyǵa shartty bir jaqty tártippen buzýǵa jáne satyp alýshydan is júzindegi zııannyń kepildik jarnamen jabylmaǵan bóligin óteýdi talap etýge jol beriledi. 44. Múlikti berý satyp alýshy satyp alý-satý sharty boıynsha satyp alýshy satý baǵasyn tolyq tólegennen keıin Tizilimge engizýge jatatyn qabyldap alý-tapsyrý aktisine qol qoıý arqyly júrgiziledi. 45. Qor bırjalarynda memleket menshigine aınaldyrylǵan baǵaly qaǵazdardy satýdy satýshy brokerlik kompanııany tarta otyryp júzege asyrady. 46. «Memlekettik múlik týraly» Qazaqstan Respýblıkasynyń Zańynyń 98-babynyń 3-tarmaǵyna sáıkes memleket menshigine aınaldyrylǵan aksııalardy satý kezinde satyp alýshy aksıonerlik qoǵam eger sońǵysy satyp alýshynyń aksııalaryna ıelik etse, aksıonerlik qoǵam aksııalarynyń jıyrma bes paıyzdan astamyn satyp ala almaıdy. 47. Baǵaly qaǵazdardy satýǵa quqyly brokerlik kompanııany aıqyndaýdy Qazaqstan Respýblıkasynyń memlekettik satyp alý týraly zańnamasyna sáıkes satýshy júzege asyrady. 48. Memleketke menshigine aınaldyrylǵan baǵaly qaǵazdardy satý kezinde olardy satýǵa baılanysty satýshy men brokerlik kompanııalar arasynda týyndaıtyn qarym-qatynastar tıisti shartpen retteledi. 49. Qor bırjasynyń saýda-sattyq júıelerinde baǵaly qaǵazdardy satý Qazaqstan Respýblıkasynyń baǵaly qaǵazdar rynogy týraly zańnamasyna jáne tıisti qor bırjasynyń bırjalyq saýda-sattyq qaǵıdalaryna sáıkes júzege asyrylady. 50. Baǵaly qaǵazdardy satyp alý-satý boıynsha esep aıyrysýlar satyp alý-satý shartyna qol qoıylǵan kúnnen bastap kúntizbelik otyz kúnnen keshiktirmesten júrgizilýi tıis. 51. Tólemniń merzimi ótken jaǵdaıda satýshyǵa shartty bir jaqty tártippen buzýǵa jáne satyp alýshydan is júzindegi shyǵyndardy óteý týraly talap etýge jol beriledi. 52. Baǵaly qaǵazdardy berý satyp alýshy satyp alý-satý sharty boıynsha satý baǵasyn tolyq tólengennen keıin baǵaly qaǵazdardy aýdarý týraly buıryqqa qol qoıý jolymen júrgiziledi. 53. Jyljymaıtyn múlikti satý kezinde Qazaqstan Respýblıkasynyń 2003 jylǵy 20 maýsymdaǵy Jer kodeksine sáıkes jer ýchaskesine quqyq satyp alýshyǵa ótedi. Jer ýchaskesiniń kadastrlyq (baǵalaý) qunyn satyp alýshy Qazaqstan Respýblıkasynyń 2003 jylǵy 20 maýsymdaǵy Jer kodeksine sáıkes jeke tóleıdi. 54. Tasymaldaýǵa, saqtaýǵa, baǵalaýǵa, satýǵa baılanysty shyǵyndary olardyń baǵalaý qunynan asyp túsetin qara jáne tústi metall synyǵy Komıssııanyń sheshimi boıynsha neǵurlym tıimdi baǵa men sharttar usynǵan metall synyǵyn qabyldaý jónindegi mamandandyrylǵan uıymǵa tapsyrý jolymen ornalasqan jeri boıynsha ótkizilýi múmkin. 55. Bólshektelgen kólik quraldary, ónerkásiptik jáne ózge jabdyq, qurylysy aıaqtalmaǵan obektiler ne máni jaǵynan uqsas basqa múlik qosalqy bólshekter nemese qara jáne tústi metaldardyń synyqtary retinde baǵalanady jáne satylady. 4. Múlikti satýdan alynǵan qarajat 56. Múlikti satýdan a